ЗАПРАШАЕМ У ЭТНАГРАФІЧНЫ КУТОК
“БЕЛАРУСКАЯ ХАТКА”

Кіраўнік:
Хонава Наталля Сяргееўна - выкладчык беларускай мовы і літаратуры

Выхаванне сваім краем, роднай зямлёю,дарагімі
краявідамі, традыцыямі і добрымі справамі
продкаў –ці не гэта з’яўляецца самым важным
ва ўсёй сістэме і выхавання?
Янка Сіпакоў

Фарміраванне грамадзяніна і патрыёта сёння з’яўляецца галоўнай мэтай і сацыяльным заказам грамадства.Адным са сродкаў грамадзянска-патрыятычнага і маральнага выхавання навучэнцаў з’яўляецца краязнаўства. Менавіта падчас краязнаўчай працы ў падлеткаў фарміруецца інтарэс да вывучэння гісторыка-культурнай спадчыны нашай краіны, роднага горада, выхоўваецца любоў і павага да сваёй зямлі, народа, мовы. Усведамленне сувязі чалавека з роднай старонкай, Бацькаўшчынай – гэта першы крок на шляху да патрыятычнага выхавання моладзі і крыніца невычэрпнага натхнення. Асноўнай формай арганізацыі краязнаўчай працы ў каледжы з’яўляецца дзейнасць этнаграфічнага кутка “Беларуская хатка”.

Мэта дзейнасці – далучэнне навучэнцаў да культурна-гістарычнай спадчыны сваёй Радзімы. Задачы:

• зацікавіць навучэнцаў гісторыяй роднага краю;
• выхоўваць беражлівыя адносіны да свайго мінулага, зацікаўленасць у набыцці гістарычных, краязнаўчых, этнаграфічных і моўных ведаў;
• садзейнічаць абуджэнню дапытлівасці і цікаўнасці навучэнцаў;
• развіваць творчыя здольнасці падлеткаў.

Асноўныя раздзелы экспазіцыі:

• прадметы хатняга ўжытку;
• ткацтва і вышыўка;
• беларускае адзенне. 

Накірункі дзейнасці:

• экскурсійная;
• культурна-масавая;
• навукова-даследчая;
• пошукавая;
• фондавая работа.